Seziz Wengamp

1.Porzer, digorit an nor-man, An Aotrou Roc'han zo aman, Ha daouzeg mil soudard gantan, Da lakaad seziz war Wengamp 2.- An nor-mañ na vo digoret Na deoc'h na da zen all ebet, Ken na lâro dukez Anna, A zo mestrez war ar gêr-mañ. 3.- Digoret vo ar perzhier-mañ D'ar priñs diwirion zo amañ Ha daouzek mil soudard gantañ, Da lakaat seziz war Wengamp ? 4.- Va dorioù a zo morailhet, Va mogerioù zo kreñvaet, Fae ve ganin deus o c'hlevet Gwengamp na vo ket kemeret. 5. Na pa vent triwec'h miz aze, Na ve ket kemeret gante Karget ho kanol ; poan ha bec'h ! Ha gwelomp piv en devo nec'h ! 6.- Tregont boled a zo amañ, Tregont boled 'vit e gargan Poultr na vank, na plom tamm ebet Na staen da ober kenneubet. - 7.Tre m'ed'o tistroiñ ha pignet, Gant un tenn poultrenn oe tizhet, Gant un tenn poultr demeuz ar c'hamp, Gant un den anvet Goazgaram.

8.Dukez Anna a lavare Da c'hwreg ar c'hanolier neuze : - Aotrou Doue ! petra vo graet ? Setu ho pried paour tizhet ! 9.- Na pa ve ma fried marv, Me rafe ma-un' en e dro Hag e ganol me e gargo, Tan ha kurun ! ha ni welo ! 10.Oa ket he ger peurachuet, Ar mogerioù zo bet freuzet, An norioù a zo bet torret Ha leun ar gêr a zoudarded. 11.- Deoc'h, soudarded, ar merc'hed koant, Ha din an aour hag an argant, Hag holl teñzorioù kêr Wengamp, Hag ouspenn ar gêr he-unan !- 12.Dukez Anna en em strinkas War he daoulin, pa e glevas : - Itron Varia-Gwir-Sikour, Ma piijfe ganeoc'h, hor sikour ! - 13.Dukez Anna dal' ma glevas, Trezek an iliz a redas Ha war he daoulin 'n em stouas, Ha war an douar yen ha noazh : 14.- Ha c'hwi garfe, gwerc'hez Vari, Gwelet ho ti da varchosi, Ho sakristi da gav gwin Hoc'h aoter vras da daol kegin ?-

15.Ne oa ket peurlâret he c'her, Ma teuas ur spont bras e kêr Gant un tenn kanol oa laosket Ha nav c'hant den a oa lazhet 16.Ha gant ar strak an euzhusañ, Ha gant an tier o krenañ Ha gant son-vrall an holl gleier, O seniñ o-unan e kêr. 17.- Pachig, pachig, pachig bihan, Te zo prim, ha skañv ha buan, Kae timat da veg an tour-plad, Da c'hout piv zo o vrañsellat. 18.Eus da gostez zo ur c'hleze, Mar ka'ez den bennak aze, Mar ka'ez den bennak o son, Plant da gleze en e galon ! - 19.O vont d'al lae, eñ a gane, O tont d'an traoñ, eñ a grene - Beg an tour-plad edon-me bet, Ha den ebet n'em eus gwelet; 20.Ha den eno n'em eus gwelet, Nemet ar Werc'hez venniget, Ar Werc'hez hag he mab, avat, 'Re-se a zo o vrañsellat.- 21.Ar priñs diwirion lavare D'e soudarded, pa e gleve : - Sternomp hor c'hezeg, ha d'an hent ! Ha laoskomp o zier gant ar sent -

Variante tirée du premier carnet de collecte de La Villemarqué

P. 106 Seziz Wengamp (a) E-barzh ar bloaz mil ha pemp-kant E teuas ar seziz war Wengamp Ha bremañ zo bloaz mil pemp-kant seizh: Voa diskennet seziz war Vreizh. (b) War borzh Lokmikael voa ar Saozon, An Alamaned war borzh Roazhon, War borzh Plomenn voa n' Irlanded Hag en ur plas all 'r Flamanked. (c) Ar Priñs Denoblin lavare War borzh Roazhon pa zarbare: (1.1) - Porzhier, digorit 'r perzhier-mañ D'ar priñs Denoblin zo amañ! P. 107 (d) D'ar priñs Denoblin zo amañ! (1.2) Triwec'h mil kavaliour gantañ Triwec'h mil kavaliour tud vailhant Da lakaat seziz war Wengamp. - (e) Ar porzhier koz pa e glevas, D'ar priñs Denoblin respontas: (2.1)- 'R perzhier-mañ n' vo ket digoret Na d'eoc'h-hu na d' priñs all erbed, (2.2) Ken m' bo goulet gant 'n dukez Ana A zo mestr war ar perzhier-mañ. (f) An dukez Ana respontas D'ar c'hanolier koz pa glevas: (4.1) - Va dorioù a zo morailhet Ha va murioù zo simañtet (4.2) Ne ran ket a gaz o gweled Ha mar 'peus ur c'hanol braz karget. Ha mar 'peus ur c'hanol braz karget, Ker Wengamp n' vo ket kemeret. - (g) Ar c'hanolier bras respontas D'an Dukez Ana p'e lavarez: - Emaon estonet deus e gargenn. (6.1) Tregont bouled rollet zo ennañ. P. 108 (h) Un hanter boezel a mitrailh plomb Ha mui, pe gement-all poultr kanol Ha mui, pe gement-all draje bras Da rey d'ar priñs Denobliñ war e fas. -

(7) N'e oa ket he gir peurlavaret, 'R c'hanolier braz a zo lazhet Gant an tenn poultr gwenn deuz ar gambr Gant mab unan voa er garant(?). (8) An dukez Ana lavare D'ar ganolierez goz neuze: - 'Troù Doue, petra vezo graet. Setu ar c'hanolier lazhet. (9) Ar ganolierez lavare D'ar dukez Ana pa gleve: - Mar vije ar c'hanol braz karget M-bije bet rebec'h va pried. - (10) Ne voa ket ar gir peurechuet An dorioù zo bet torret. An dorioù zo bet torret. Karget voa 'r ger a soudarded. P. 109 (i) Ar priñs Denoblin lavare ' Barzh e Ker Gwengamp p'antree: (11.1) - Deoc'h, soudarded, vo merc'hed koant Ha din vo 'n aour hag an arc'hant. - (j) An dukez Ana lavare D'ar priñs Denoblin p'he salude: - Mar vije karget 'r c'hanol braz M'em-vije gounet hiriv va gwaz. - (13) An dukez Ana 'vel ma glevas War he daoulin noazh 'n'em strinkas: - O Itron Varia Gwir Sikour, Ha plijet ganeoc'h-hu hon sikour? - (k) Ar ganolierez lavare E benn an tour plad pa errue: - Me wel aze ur rejimañt fin. O c'halon en o c'hreiz o c'hoarzhin. Bremañ soudenn hen e gelfet gin! - (15) Voa ket ar ger peurlavaret, Triwec'h kant anezhe voa lazhet. Triwec'h kant anezhe voa lazhet. Mui pe gement-all oa bleset. P. 110 (l) 'R priñs Denoblin a goulenne 'Barzh ker Gwengamp pa tremene: - Pelec'h 'ma merc'hed e ger-mañ A lakaa 'r c'hanol da brokañ? -

(12) An dukez Ana, 'vel ma gwelas, 'Barzh an iliz vras 'n-em strinkas. - Itron Varia Gwir Sikour, Graet din tec'hiñ war 'n adversour! (14) Ha c'hwi ve kontant, Gwerc'hez Vari, Lakaat outi ur varchosi, Ho sakristi da kav ar gwin Hoc'h aoter vraz da daol kegin? - (15.1) Voa ket he pedenn peurachuet Ar c'hleier da zon komañset. (16.2) Komañset ar c'hleier da zon, Ken a spouron holl o c'halon. (m) Ar priñs Denoblin lavare D'he pajik bihan pe n'he gleve: (17.1)- Pajik, pajik, ma paj bihan, Te zo dilijañt ha buan; P. 111 (17.2) Ha kerzhi-te da veg an tour plad Da goût pe hen a zo da brañskellat, (18.2) Ha mar zo den ennañ o son, Plañti-te da gleve en he c'halon. - (19) Eñ a ya e-krec'h en ur ganañ. Hag a zeu d'an traoñ 'n ur ouelañ. - 'Beg an tour plad me a zo bet. Ha mad, añv Doue, n'em eus gwelet. (20) Nemed 'r Werc'hez Vari hag he map. Ar re-se zo ouzh o brañskellat. Evel ur wazh a red o gwad! - (21.1) Ar priñs Denobliñ lavare D'e holl soudarded pa gleve: (n) - Profit, ma soudarded paour, pemp a skoed, Me, va-unan, a profo daouzek; (o) Me, va-unan, a rei daouzek Da repariñ an domaj 'm-eus graet. (21.2) Bridomp kezek, ha deomp d'an hent Ha lesomp o tier gant ar zent. - P. 112 (p) Ar priñs Denoblin lavare D'eus ker Gwengamp pa sortie: (q) - Pa m'am-vije Gwengamp gounet, Ouzhpenn c'hwech gement 'm-eus kollet. Ma kollan va buhez e c'hont d'ar c'her Me vo kollet holl an antier!