Kelc'h Marzhin Trede Rann

Marzhin Varzh (1839: "Merlin-Barz")

Ton

Levrig pederyezheg (brezhoneg, galleg, saozneg, alamaneg) ar werz-mañ zo e gwerzh war al lec'hiennoù Amazon. Klik amañ!:

I 1."Va mamm-gozh baour, em silaouet, D'ar fest am eus c'hoant da vonet diskan You, you, ou, you, you, ou! You, you ou, you, ou! 2.D'ar fest, d'ar rederezh nevez A zo lakaet gant ar Roue 3.- D'ar rederezh na yefec'h ket D'ar fest-mañ na da fest ebet 4.Na yefec'h ket d'ar fest nevez Gouelañ 'peus graet hed an noz-me 5.Na yefec'h ket, mar dal gane Gouelañ 'peus graet en ho huñvre 6.- Ma mammig paour, ma em c'haret, D'ar fest em lezfec'h da vonet 7.- O vont d'ar fest c'hwi a gano O tont en-dro c'hwi a ouelo" II 8.E ebeul ruz en deus sternet Gant direnn-flamm 'neus hen houarnet 9.Ur c'habestr 'neus lakaet 'n e benn Hag un dorchenn skañv war e gein 10.E kerc'henn e c'houg ur walenn Hag en-dro d'e lost ur seizenn 11.Ha war e c'horre 'mañ pignet Hag er fest nevez degouezhet 12.E park ar fest pa oa degoue'et Oa ar gern-bual o vonet 13.Hag an holl dud en ur bagad Hag an holl virc'hed o lampat 14."An hini en devo treuzet Kleun bras park ar fest en ur red 15.En ul lamm klok, distak, ha naet, Merc'h ar Rou' en do da bried" 16.E ebeulig ruz, pa glevas, War-bouez e benn a c'hristilhas 17.Lammat a reas, ha kounnariñ, Ha teurel c'hwezh tan gant e fri 18.Ha luc'hed gant e zaoulagad Ha darc'h en douar gant e droad 19.Ken a oa ar re all trec'het Hag ar c'hleun treuzet en ur red 20."Aotrou Roue, 'vel peus touet, Ho merc'h Linor renkan kaouet 21.- Ma merc'h Linor n'ho pezo ket Na den eveldoc'h kennebeut 22.N'eo ket kelc'herien a fell de Da reiñ da bried d'am merc'h-me" 23.Un ozac'h kozh a oa eno Ha gantañ ur pikol varv 24.Ur varv en e chink, gwenn-kann, Gwennoc'h evit gloan war al lann 25.Hag eñ gwisket gant ur sae c'hloan Bordet penn-da-benn gant arc'hant 26.Hag eñ en tu dehou d'ar Roue Outañ gourgomze, er pred oue 27.Ar Roue pa'n deus e glevet Dre deir gwech gant e vazh 'neus skoet 28.Teir gwech gant e vazh war an daol Ken a lakaas selaou an holl : 29."Mar gasez din telenn Varzhin (1839: "Merlin") Dalc'het gant peder sug aour fin 30.Mar gasez e delenn din-me Zo staget e penn e wele 31.Mar he distagez, a-neuze Ar pezo ma merc'h, marteze" III 32."Ma mamm-gozh baour, ma em c'haret, Un ali din-me a refet 33.Ma mamm-gozh baour, ma em c'haret, Rak ma c'halonig zo rannet 34.- Ma ho pije sentet ouzhin Na vije rannet ho kalon 35.Ma mabig paour, na ouelet ket, An delenn a vo distaget 36.Na ouelet ket, ma mabig paour, Setu amañ ur morzhol aour 37.Kement tra ma zo na drousfe Ma ve skoet gant ar morzhol-se" IV 38."Eurvad ha joa 'barzh an ti-me Setu me degoue'et adarre 39.Setu me deuet adarre Ha telenn Varzhin (1839: "Merlin") ganin-me" 40.Mab ar Roue dal m'e glevas Ouzh e dad Roue c'hourgomzas 41.Ar Roue pa 'n deus e glevet D'an den yaouank en deus laret : 42."Mar gasez din-me e vizoù A zo gantañ en e zorn dehou 43. Mar gasez e vizoù din-me Te 'po ma merc'h diganin-me" 44.Hag eñ da zont, o ouelañ druz, Da gaout e vamm-gozh diouzhtu 45."An Aotrou Roue 'n doa laret Ha padal en deus dislaret ! 46.- Na chif ket evit kement-se Tap ur skoultrig a zo aze 47.A zo aze 'barzh ma arc'hig Hag ennañ daouzek deliennig 48.Hag ennañ daouzek delienn grenn Hag i ker kaer hag aour melen 49.Hag on bet seizh noz da gerc'hat Seizh vloaz tremenet, e seizh koad 50.Pa gano 'r c'hog da hanter-noz Ho marc'h ruz vo oc'h ho kortoz 51.'Peus ket da gaout aon ebet Merlin-Varzh na zihuno ket" 52.Pa gane 'r c'hog kreiz an noz du Lamme war an hent ar marc'h ruz 53.N'en doa ket ar c'hog peurganet Pa oa bizoù Marzhin (1839: "Merlin") lamet V 54.Antronoz pa zarc'has an deiz Oa aet da gaout ar Roue 55.Hag ar Roue dal m'e welas Chomas war-sav, souezhet-bras 56.Souezhet, ha 'n holl eveltañ : "Setu goune'et e wreg gantañ !" 57.Hag eñ mont un tammig er-maez E vab d'e heul hag an o'ac'h kaezh 58.Hag i da zont gantañ en-dro Unan a-gleiz, unan a-zehou 59."Gwir eo, ma mab, pezh 't eus klevet : Da c'hwreg hiriv az peus goune'et 60.Hogen un dra c'hoazh a c'houlan Hemañ a vo an diwezhañ 61.Mar deus da ober kement-se Vezi gwir vab-kaer ar roue 62.Hag az po ma merc'h hag ouzhpenn An holl vro Leon, dre ma ouenn ! 63.Degas Marzhin-Varzh (1839: "Merlin-Barz") tre em lez Da veuliñ ar briadelezh" VI 64."Marzhin-Varzh (1839: "Merlin"), a-beban e teuez Toullet da zilhad treuz-didreuz ? 65.Da belec'h ez te evelhenn ? Diskabel-kaer ha diarc'hen 66.Da belec'h ez te evelhenn Marzhin (1839: "Merlin") gozh, gant da vazh kelenn ?

Dornskrid "Merlin" (42.) "Mar gasez din-me e vizoù A zo gantañ en e zorn dehou, (43.) Mar teus da ober kement-se Te pezo va merc'h, marteze." (44.) "Ma mamm setu pe' z deus laret An aotrou roue, gaouier touet. Ar roue en-deus laret din Moned da glask bizoù Melin. Ar roue en-doa e gwir touet Am befe e verc'h da fried. (d.w.) P'an delin vije distaget. Ar roue e-deus gwir touet Hag en-deus he torret. (45.) Ar roue en-doa ul le graet, Ha padal en-deus hen torret!" (46.) "Na chifit ket gant kement-se Tap ur skoultrig a zo aze. (47.) Tap ar skoultrig-se an dervenn A zo ennañ tregont delienn, (48.) A zo ennan tregont delienn, Ken kaer eged aour melen. (49.) Bet on bet seizh noz d'e glasked E seizh koad () gwelet. Kement den a zo kousket dous (50.) Pa gano 'r c'hog da hanternoz Da marc'hig vo dioude c'hortos. Dioude c'hortoz war toul an nor O c'hortoz an nor da zigor. Da di Melin a vit kaset Gant da marc'h bihan en ur réd. Da di Melin a zo kousket En e gwele hep soñj ebed. (51.) Ne peus ket da gaout aoñ 'bed, Melin Varzh ne zihuno ket. Kemer a refes e vizoù A zo gantañ en e zorn dehou. (53.) Pa zeuas ar c'hog da kanañ, Ar vizoù oa lammet gantañ, (54.) Antronoz, pa darzhas an deiz Oa aet da gavout ar roué. (55.) Hag ar roue dal ma welaz Chomaz 'n ur soñj sepantet-bras. (56.) Hag an holl dud a oa ennañ: "Setu goune'et e wreg gantañ!" Hag ar rouanez a zeuaz Ha ()az dre kichen he gwaz. Ar rouanez, mab ar roue Hag an den barvet kozh ivez. (59.) - Gwir, ma mab, pezh a zo laret: Te az-peus ma merc'h gounezet. (60.) Hogen un dra c'hoazh a c'houlan. Hemañ a vo an diwezhañ. (61.) Mar out 'vit ober kement-se, Te -pezo va merc'h, dre va feiz! (62.) Te pezo va merc'h hag ouzhpen An holl bro Gwened, dre va fenn! (63) Degas Melin varzh 'kreiz al lez Da veuliñ ar briadelezh". (64.) Melin, Melin pelec'h it-hu Toullet ho tilhad an daou tu? Paour-kaez Melin, pelec'h it-hu Saotret ho pragoù gant ludu? (65.) Gant ludu, gant pl()aboulen Pelec'h it-hu, 'ta, diarc'hen? (66.) Evel ur paour-kaez dier maez Hag en ho torn ur vazh kelenn? Pelec'h it-hu 'ta evelhen?- - Keler en tu bennag va zelenn. Klasked tu bennag ma zelen A dalve'e he fouez arc'hant gwenn (d.w.) He fouez en arc'hant hag ouzhpen.

67.- Mont a ran da glask ma zelenn Frealz am c'halon er bed-mañ 68.Klask ma zelenn ha ma bizoù Pere am eus kollet o-daou 69.- Marzhin, Marzhin, (1839: "Merlin") na chifet ket, Ho telenn ned eo ket kollet 70.Ho telenn ned eo ket kollet Nag ho pizoù aour kennebeut 71.Deut tre en ti, deut tre, Marzhin (1839: "Merlin"), Da zebriñ un tamm boued ganin 72.- Mont gant ma hent na zalein Na tamm boued ebet na zebrin 73.Na zebrin tamm boued war ar bed Ken n'am bo ma zelenn kavet 74.- Marzhin! Marzhin! (1839: "Merlin") ouzhin sentet Ho telenn a vezo kavet" 75.Kement ma bet pedet ganti Kement emañ deut tre en ti 76.Ken a zegouezhas, d'abardaez, Mabig ar c'hwrac'h gozh ; hag eñ tre 77.Hag eñ da zridal spontet-bras En-dro d'an oaled pa sellas 78.O welet Marzhin (1839: "Merlin") -Varzh kluchet E benn war e galon stouet 79.Oc'h e welet war an oaled N'ouie doare pelec'h tec'het 80."Tevet, ma mab, na spontet ket, Gant ar morgousk emañ dalc'het 81.Lonket en deus tri aval ruz Am eus poazhet dezhañ el ludu 82.Lonket en deus ma avaloù Setu eñ d'hon heul e pep bro" VII 83.Ar rouanez a c'houlenne Gant he loufrenn, eus he gwele : 84."Petra c'hoari gant ar gêr-mañ ? Pe safar a glevan amañ ? 85.Pa'z on dihunet ken pred-se ; Ken a gren postoù ma gwele ? 86.Petra zo degoue'et barzh ar porzh Gant an dud eno 'youal forzh ? 87.- C'hoari gaer a zo er gêr-mañ Gant Marzhin (1839: "Merlin") o tont en ti-mañ 88.Ur c'hwrac'hig kozh, gwenn-kann, 'razan Hag ho mab-kaer ivez gantañ" 89.Ar roue en deus hi c'hlevet Hag eñ maez, ha prim da welet 90."Sav alese, embanner mat Sav deus da wele, ha timat ! 91.Ha kae da gemenn dre ar vro Dont d'an eured neb a garo 92.Dont da eured merc'h ar roue A vo dime'et a-benn eizhtez 93.Dont d'an eured, tudjentiled, Kement a zo e Breizh hed-a-hed 94.Tudjentiled ha barnerien Tud a iliz ha marc'heien 95.Ha da gentañ ar Gonted vaour Ha tud pinvidik ha tud paour 96.Kae buan ha skañv dre ar vro Kannadour, ha deus skañv en-dro" VIII 97."Selaouet holl, holl selaouet Ma oc'h eus divskouarn da glevet ! 98.Selaouet holl hag e klevet Ar pezh a zo gourc'hemennet 99.Dont da eured merc'h ar roue Neb a garo, a-benn eizhtez 100.Dont d'an eured, bras ha bihan Kement a zo er c'hanton-mañ 101.Dont d'an eured, tudjentiled, Kement a zo e Breizh hed-a-hed 102.Tudjentiled ha barnerien Tud a iliz ha marc'heien 103.Ha da gentañ ar Gonted-vaour Ha re binvidik ha re baour 104. Ha re binvidik ha re baour Na vanko de'e argant na aour 105.Na vanko de'e kig na bara Na gwin, na dour-vel da evañ 106.Na skabelloù da aze'añ Na paotred skañv d'o servijañ 107.Daou c'hant pemoc'h a vo la'et Ha daou c'hant penn-kole lardet 108.Daou c'hant inar, ha kant karv, A gement koad a zo er vro 109.Daou c'hant ejenn, kant du, kant gwenn Vo roet o c'hrec'hin dre rann krenn 110.Kant sae a vo, hag a c'hloan gwenn, Hag a vo roet d'ar veleien 111.Ha karkanioù aour a vo kant A vo roet d'ar varc'heien goant 112.Mantilli glas vo leizh ur sal Da reiñ d'ar merc'hed da vragal 113.Hag eizh kant bragez nevez-c'hraet Da reiñ d'an dud paour da wisket 114.Ha kant soner war o zorchenn O son noz-deiz, war an dachenn 115.Ha Marzhin-Varzh (1839: "Merlin-Barz") e-kreiz al lez O veuliñ ar briedelezh 116.C'hoari a-walc'h a vo eno Kement-all birviken na vo" IX 117."Klevet, keginour, me ho ped Hag an eured zo achuet ? 118.- An eured a zo achuet Hag an holl draoù a zo lipet 119.Pemzek devezh he deus padet Ha dudi a-walc'h a zo bet 120.Aet int kuit holl gant profoù mat Gant skoaz ar rou' hag e gimiad 121.Hag e vab-kaer da vro Leon Gant e bried, drev e galon 122.Aet int holl kuit, ha laouen-naet Nemet ar roue ned eo ket 123.Marzhin (1839: "Merlin") c'hoazh ur wech zo kollet N'ouzer doare pelec'h 'mañ aet"

Dornskrid "Merlin" (67.) Klask va zelenn paour evel-hen A oa ma komfort er bed-mañ. - (68.) Klask ma zelenn ha ma bizaoù Pere em-eus kollet o-daou.- (69.) - Melin, Melin na ouelit ket: Ho telenn n'eo ket kollet. (70.) Na kennebeut ho pizoù ruz Ur perlezennig d'an daou tu. - (71) - Deuit tre-barzh an ti-ni Da zebriñ un tamm ganeomp-ni!- (75.) Kement oa bet pedet ganti, A zeuas Melin 'barzh an ti. (76.) Keit a oa Melin o tebriñ boued, Paotr Rafellik a oa degouet. (79.) Rafellik a oa bet souezhet. Ne ouie doare pelec'h tec'hed. (78.) O gweled Melin tal an oaled Hag e benn gantañ stouet. (77.) Hag oc'h he klevoud diroc'hed, Ar paotrig a oa souezhet. (80.) -Tavit, ma mab, na rit ket trouz Kouezhet eo en ur c'housk dous. (81.) Boemet oa bet gant tri avalig ruz Ha bremañ, ma dalv gant ar roue, Te vezo 'vit gwir, mab d'ar roue! (83.) Mevel ar palez lavare D'ar rouanez ar mitin-se; Ar rouanez a lavare D'he plac'h a gambr an deiz-se: (84.) - Petra c'hoari gant tud ar ger Pa zo kement trouz e Gemper? (86.) Krenañ a ra an nor-porzh Gant an dud eno o youc'hal forzh!- (87.) N'eus netra nevez erruet, Nemed Merlin a zo digouet. Ha daou penn-kezeg zo gantañ O sachañ e garrig amañ. Ha daou penn-kezeg, sternet flamm: Unan zo du, an all zo kann. (88.) Unan zo d'ar paotr en-deus gouneet Ho merc'hig-c'hwi da fried. An hini-all a zo d'e vamm Ur vaouezig kozh gwisket e kann. (89.) Hag ar roue, dal! ma glevas, Trumm eus e gwele a zailhaz, Ha gant an diri ez eas Ha da doull nor-porzh à lampaz. - Yec'hed mad deoc'h, aotrou roue! Setu me deuet adarre! Me am-bo ho merc'h ar wech-mañ! Chañs vat a heul chañs fall bepred Vel delioù glaz, delioù sec'het, Vel hogan ruz, spern du flastret. Kemen tra 'deus e lezenn graet: Amzer nevez a heul ar goañv Hag ar goañv a heul an hañv.- (90.) - Sav alese, () keler mat, Ha kerzh da vale bro timat! (91.) Ha kerzh da lared tro war dro Penaos ur fest 'benn tri deiz vo; Ha lared d'an holl dud ar vro Dont d'an eured, neb a garo! (94.) Tudjentiled ha bourc'hizien Ha flec'h ivez ha konted ken, (95.) Konted ivez ha bourc'hizien Ha tud diwar-maez ha peorien, (105.) Ha peorien ha tud pinvidik Na fallo na vara, na kig. (106.) Na kig, na dour-vel da evañ, Na skabelloù da aze'añ Na kant mevel d'o servijañ. (107.) Triwec'h penn moc'h-gwez vo lazhet Ha triwec'h oan 'vit an eured. (108.) Triwec'h inar, triwec'h garv En enor da mab an aotroù. (109.) Triwec'h inar, nav zu, nav wenn Vo roet o c'hoc'hen da bep un'n. (100.) Larit d'an holl, bras ha bihan, Heb dale 'bed da gemen-mañ. (96.) 'R c'hemengader p'en-deus klevet, D'ober e zro ema aet. (97.) "Chelaouet holl ha chelaouet! (=selaouit) Pez a zo bet gourc'hemenet: (110.) Boud a zo kant zae gloan wenn Evit reiñ d'ar veleien, Evit reiñ d'an dud a iliz Hag i dantelezet bet(eg) ar penn. (111.) Karkanioù aour a zo hanterkant Evit reiñ d'ar varc'herien goant. (112.) Ha mantilli glas, leun ar gambr Da reiñ d'ar c'hwazed da vragal, (113.) Ha pemp kant bragoù nevez-graet Da reiñ d'ar re paour da wisked. Ha kement a jak lien wenn Ha pegement mui a chupenn. (99.) An eured a vo 'benn diryaou Neb en-defo c'hoant a zeuo! (116.) Stall awalc'h a vezo ennañ, Vel 'neus bet biskoazh er bed-mañ Deuit holl di, bihan ha bras, Da lakat an alfe (alc'hwez) n'e lec'h. Deuit holl di, maouez ha gour Da lak an alfe toull an nour (nor)! (119.) Pemzektez bennag doa badet Ar festoù demeus an eured. D'ar merc'her ha pe oan digouet Kaer vije neuze da weled Endro da Gemper, hed da hed, An tier leun a tudjentiled An tier, a dud karget, Hag ar marchosioù a roñsed. Hag holl tiri o krenañ Gant an holl dud o tont trenhan; Gweled ruioù parañ gant aour melen Ha lukernañ an arc'hant gwenn War dilhad ar varc'herien. Ha mintelli gloan ruz ha glaz Ha gante bep ur c'hleze noazh. Lod gante karnioù n'o c'houzoug Hag holl harnezioù war o chouk. Karkanioù aouret, penn da benn Vel 'ma glevet da varcherien. Kement trouz gante, kreiz ar ger, Kemend grene an holl tier, Hag an daou menez dre Kemper. (117.) - Chilaouit, Keginour, me ho ped, Hag an eured zo achuet? (118.) - An eured a zo achuet Tri devezh zo flamm tremenet. Echu ar fest hag an ebat, Ha ne deus neb tra da lipad. (121.) Aet eo Rafellik da Wened Ha merc'h ar roue kerkent hag eñ. Hag e vamm gozh kerkent hag eñ. (122.) Aet int holl kuit en un strollad, Ganto kimiad roue a galon vad. Aet int rac'h kuit a galon vat, Gant bennoz roue hag he kimiad. Aet int, aet holl kuit ha laouen meurbed Nemed ar roue ned eo ket. (123.) Ar roue a zo gul gla c'haret: Merlin a zo adarre kollet. Tec'het c'hoazh ur wech en-deus graet. N'ouier dare pelec'h eo aet. -