Milinerez Pontaro

Ton 1

1. E Banaleg ' zo 'r pardon kaer Lec'h ya 'r merc'hed koant gant al laer. Diskan Ha ma meilh a drey, Di-ga-di-ga-di! Ha ma meilh a ya, Di-ga-di-ga-da! 2. Eno e weler ar baotred Ganto kezeg braz ha sterniet. Diskan 3. Hag o zokoù a zo bleuniet Evit dirolla ar merc'hed. 4. Gwilhaouig kromm zo glac'haret E Fantig koant en-deus kollet. 5. Kemenerig, n'em gonfortit Ho Fantig koant a vo kavet! 6. Ma du-se e meilh Pontaro, Ar baron yaouank war he zro. 7.Tok, tok, tok ! "O ! Miliner ! Degas ma dous Fantig d'ar gêr ! 8.- N'em eus gwelet ho tous Fanchon Met ur wech e meilh ar baron ; 9.Ur wech amañ e-tal ar pont Ur rozennig war he c'halon 10.Ganti ur c'hoef ker gwenn hag erc'h A n'he deus ket bet diganeoc'h 11.Ur c'horf voulouz du 'n he c'herc'henn Hag eñ bordet gant arc'hant gwenn

12.Ganti deus he brec'h ur paner Frezoù ker melen ha ker kaer! 13.Frezoù deus jardin ar maner, Bleunioù fin warno, kemener 14.En em sell a rae 'barzh ar stêr Ne oa vil, en dailh, na dister ! 15.Hag a gane ken alies : "- Me 'garfe bout milinerez 16.Me garfe bout, a-greiz-kalon, Milinerez meilh ar baron" 17.- Miliner, n'em godisit ket : Ma Fantig koant din daskorit 18.- Ha pa rofec'h din pemp kant skoed Ho tous Fantig n'ho pezo ket 19.N'ho pezo ket ho tous Fanchon Chom a ray e meilh ar baron 20.Ho tous Fantig n'ho pezo ket Rak emañ ganin gwalennet 21.Chom a ray gant 'n aotrou Youenn A zo ur c'hristen mat a zen" 22.Milinerien zo paotred ge ! Ne raent mui nemet kanañ 'nhe 23.I a lare 'n ur c'hwitellat : - Krampouezh hag amann a zo mat ! 24.Krampouezh hag amann a zo mat ! Ha nebeudig eus peb sac'had 25.Ha nebeudig eus peb sac'had Hag ar merc'hed kempenn avat !

Extraits des carnets de collecte de La Villemarqué