Bosenn Eliant
Ton
|
1. Tre Langolen hag ar Faouet |
Ur barzh santel a vez kavet; [Hag eñ Tad Rasian añvet] (1845, 1867). 2. Laret eñ-deus d'ar Faouediz: Lakit un oferenn bep miz Un oferenn en hoc'h iliz. 3. Aet eo ar vosenn a Elliant Hogen n'eo ket aet hep forniant, Aet zo ganti seizh-mil ha kant. 4. E bro Eliant heb lared gaou, Ema diskennet an Ankou. Maro an oll dud nemed daou: 5. Ur wregig kozh tri-ugent vloaz Hag ur mab hepken e-devoa, [Gantañ ar vozenn war e skoaz.] (1839) 6. ["Setu ar vosenn 'penn va zi, Pa garo Doue teuy en ti, Ha ni yelo kuit" emezi.] (1845, 1867) 7. E-kreiz Eiant er marc'hallec'h, [plas ar marc'had] (1839) Geot da falc'hat a gafec'h, 8. Nemed en hentig vid ar c'har A gas re varv d'an douar. 9. Kriz vije 'r galon na ouelje, E bro Eliant neb a vije: 10. Gwel'd triwec'h karr tal ar vered Ha triwec'h all eno o toned.
11. Lec'h oa nav mab en un tiad, | Aent d'an douar en ur c'harrad; Hag o mamm baour ouz o charread. 12. O zad a-dreñv o c'hwibanat [c'hwitellat] (1839) Kollet gantañ e skiant vad. 13. Hi a yude, c'halve Doue, Reustlet e oa korf hag ene; 14. - Lakit va nav mab en douar Ha me roy deoc'h ur gouriz koar, 15. A ray teir dro en-dro d'ho ti, Ha teir en-dro d'ho manati. [15 bis. A ray daou dro da dro ho ti Ha pevar euz ho kroaz evelti.] (1839) 16. Nav mab am-boa ganin ganet; Setu gant an Ankou int aet! 17. Gant an Ankou e toull va dor; [hon nor] (1839) Den da rei din ul lommig dour?" 18. Leun eo 'r vered rez ar c'hleuzioù, Leun an iliz rez an treuzoù; 19. Réd eo benniga ar parkoù Da lakaat enno ar c'horvoù. 20. Me wél er vered un dervenn, Hag en he beg ul liñser wenn: Aet an oll dud gant ar vosenn! |
