Emgann Sant Kast

Emgann Sant Kast

Ton

Bro-Gembre Breizh

1. Breizh ha Bro-Zaoz enebourien
Evit o boud amezeien
A zo bet laket er bed-man
D'en em fiblañ da virviken.

2. Pa oan kousket, en nozvez all,
E kleviz son ar c'horn buhal,
Son arc'horn bual, e koad Sal
"O, Saozon fall, o Saozon fall!"

3. Ha dal ma saviz antronoz
Gwelliz oc'h erruoud ar Saoz;
Gwelliz e zoudarded erru:
Sternoù alaouret, dilhad ruz.

4. War an aod ha pa oant ledet,
Gwelliz o tont ar C'hallaoued,
D'Obigni gante 'r penn kenta,
E gleze noaz en e zorn gantan.

5. -Araog! a lare D'Obigni
Na dec'ho nekun ouzhom-ni!
Ai ta, va faotred d'oc'h tu!
Araog d'am heul! ha pegom du!-

6. Ar C'hallaoued a respontas
Oll war eun dro, pa e glevaz::
-Deom gant d'Obigni troad oc'h troad;
Denjentil eo koulz ha paotr mad!

7. Pa oa Dobigni en emgann,
Ne oa den, na bras, na bihan,
Na zigore e zaoulagad
Oc'h e weled o leuskel gwad.

8. E vlev, e zremm hag e zilhad
Ne oant penn-da-benn nemed gwad
Distrinket dimeus ar Zaozon
Dre ma treuze de'e ar galon.

9.E a weler war an dachen
Reizh e galon, uhel e benn,
Heb muioc'h van d'ar boledoù
Eged pa vijent bet stoufoù.

10. Potred Breizh-Izel a gane,
O tont war an dachenn neuze:
"Neb e-deus gouneet teir gwech
A c'houneo n'eus forz ped kwech!

11. E Kamared en amzer-hont
E oa diskennet ar Zaozon;
Bragal a reent war ar mor
Gant o gouelioù gwenn-kann digor!

12. Gant tennoù kouezjont war an aod;
Evel ma vijent kudonned;
Deuz pevar mil e oant enno
Na zistroaz unan d'e vro.

13. E Gwidel e oent diskennet,
E Gwidel e douar Gwened;
E Gwidel int bet douaret,
Evel ma oent e Kamared.

14. E Bro-Leon 'raok Enez C'hlaz,
Gwechall e oent diskennet c'hoazh.
Kemend a wad o-deus skuilhet
Ken a oa ar mor glaz ruziet!

15. N'eus e Breizh, na bodenn, na bern
Elec'h na gaver o eskern;
Kon ha brini oc'h o sacha,
Glao hag avel oc'h o c'hanna!"

16. Archerien Bro-Zaoz pa glevjont,
Gant estlamm arzao a rejont;
Ker kaer an ton hag ar c'homzoù
Ken a oant bamet o selaou.

17. -Archerien Bro-Zaoz, lavarit,
skuizh oc'h eta, pa ehanit? "
-Ned'om ket skuizh pa ehanom,
Koulz ha re-hont, Bretoned om!"

18. N'oa ket o c'homz peurlavaret:
-Gwerzet om! tec'hom kuit, paotred!-
Hag ar Zaozon prim d'o listri
Hogen na dec'haz nemed tri.

19. Er bloavez-man mil ha seizh kant
Hag eiz ouspenn hag hanter-kant,
D'an eil lun a viz gwengolo
Oa trec'het ar Zaozon er vro.

20. Er bloavez-man evel agent
Emaint bet laket en o hent.
Evel eur bar grizilh er mor
Ar Zaozon bepred en Arvor.


Version originale tirée des carnets de collecte de La Villemarqué


Six premiers Couplets (transcrits KLT)
(Ecriture de Joseph de Calan, 1804 - 1889)


1. Breizh ha Bro-zaoz amezeïen,
Adversourien a-dreist penn.
Kommandet gant ar Roue,
Evit kommandiñ e arme,
Deomp en e gostez troad ha troad;
Jentil e oa ha paotr mad.

2. Pa vez Degilhon en afer
N'eus den er c'harter
Na zigorfe e zaoulagad
Ouzh e gweled en ur gombat.
Skoomp eta va mignoned!
Lazhomp ar Saozoned!

3. E blev, e fas hag e zilhat
Ne oent nemed ar gwad
Distrinket eus ar Saozon
De'e ma treuze oc'h c'halon
Skoomp eta va mignoned!
Lazhomp ar Saozoned!



4. E Kamared en amzer gozh
E voa diskennet ar Saozon.
War an aod e voent ledet
Hag en o gwad e voent beuzet,
Gand tennoù e kouezhe ar Saozon
Ker buan evel
gedon.

5. Soudard, dragon ha kavalier
Toud o-deus graet o dever;
Tudjentil ha peizanted,
Toud e vint respektet.
Meulet e vezo o ligne,
Meulet gant ar Roue.

6. Er bloaz seiteg kant eizh ha hanter-kant
E voa bet estlammus ar c'hann.
D'an degved deiz a gwengolo
War an aod tost da Sant Malo
E voa bet distroet ar Saozon
Gant Arme Louis Bourbon.
Extraits de "Dugué", 1er carnet
de Keransquer (pp.187 & 188)


B.4. Barzh ar Kamalet en amzer gozh
Eno oa diskennet ar Saoz...
D.1. Bragal a raet diwar ar mor
Gant o gouelioù digor...
E.1. Gant tennoù a gouezh ar Zaozon
Kerkent ha ma gouezh ar
gudon.











C.4. Douaret int da Zant Malou.
Ne 'z int ket aet holl d'o bro.
Strophes ajoutées dans le carnet par La Villemarqué
(Source: thèse d'Eva Guillorel)

a. N'e deus ket c'hoazh an traez evet
Gwad a zo bet eno skuilhet.
An traez zoken n'e-deus ket graet
Na chas ar barez kennebeud.

b. Ne deus ket lonket an douar
Gwad ar Saozon, me a oar.
An douar n'e-deus ket o lonket
Nag al loened gouez kennebeud.

c. Ar re all pa o-deus klevet
Huchal oant trec'het o-deus graet
Ha kuit holl trezek o listri
Hogen na tec'has nemed tri.

d. Er bloaz-mañ mil seizh kant
Hag ouzhpenn hag hanter-kant
D'an eil lun a-viz Gwengolo
Oa drailhet ar Saozon eno.

e. Archerien Bro-Zaoz pa glevjont
Gant ar soñj arsav a rejont
Ken kaer an ton hag ar c'homzoù
Ken oa bannet o chiloù.

f. Archerien Bro-Zaoz, lavarit...




Galleg saozneg