Ar Re C'hlaz

gant Gwilhaou Arvern a Gervlezek

Alfred Rethel Auch ein Totentanz VI 1849

Ton

1.Ar chas a glevan oc'h harzhal! Setu ar zoudarded c'hall! (2 w.)
Tec'homp kuit ‘trezek ar c'hoadoł! Kasomp araok hor chatal! (2 w.)

2. Daoust hag hen, paotred Kerne, e c'houzańvimp da viken,
E c'houzańvimp ar vac'herien a wask al labourerien?

3. Gwallet ganto hor merc'hed koant, lazhet mamm ha mab ha den;
Lazhet zoken an dud klańv paour, ablamour d'o daouarn gwenn.

4. Tanet ganto ti ar beorien; diskaret ar manerioł;
Devet an ed, devet ar foen er parkoł hag er prajoł.

5. Troc'het ar gwez el liorzoł ha laket da ober tan;
Ken na vo avaloł na chistr, da nav pe zek vloaz ac'han.

6. Laeret hor zaout, hon onnered hag hon ejenned, siwazh!
Ha kaset mesk gant o ferc'henn, d'ar c'higer d'ar c’herioł bras.

7. Laeret zoken traoł an iliz; pilet zoken hon tourioł;
Ha distrujet ar garnelioł ha skignet ar relegoł.

8. Gwastet traonioł kaer Breizh Izel, ken dru ha ker gwechall!
Kén na glever mui trowar dro mouezh den, kennebeud chatal.

9. C'hoazh ma ve roet skuilhań, hor gwalc'h, daeroł druz hon daoulagad,
Nemet pa wel skuilhaén daeroł, an den-ker a skuilh ar gwad.

10. C'hoazh ma ve kavet ur groaz e pelec'h e taoulinfemp,
Evit goulenn digant Doue an nerzh pehini a vank deomp.

11. Med Ho kroaz santel, va Doue, zo bet pilet e beplec'h;
Ha kroaz ar gwinterellerez a zo savet en he lec'h.

12. Bemde 'weler ho peleien eveldoc'h war ar C'halvar,
Eveldoc'h o stouiń o fenn o pardoniń d'an douar.

13. Re o-deus gallet tec'hed kuit, ya da guzhań er c'hoadoł;
Eno oferniont deus an noz, e bag, war vor, a-wechoł.

14. Darn o-deus treuzet ar mor bras, divroet ha dizouten,
Gwell ganto sentiń ouzh Doue eget sentiń ouzh an den.

15. Gwell ganto debriń, dianken, er broioł pell, bara kerc'h
Eget debriń bara gwinizh, bara an diaoul, gant an nec'h.

16. En o ziez, an touerien a zebr danvez an dud paour,
Goude bezań gwerzhet Doue, evel Judaz, evit aour.

17. Piv-bennag na fell ket dezhań mont da gleved an touer,
Zo war var da goll e vuhez, bet denjentil pe gouer.

18. Tudjentil, ha tud a iliz, tud diwar maez, sonn o fenn,
An oll Vretoned a waner ablamour 'maint kristen!

19. Bremań hallez, boued an ivern, reiń da galon-te d'ar joa,
Pe 'peuz lakaet hon elez-ni e-barzh en neńv da c'houelań!

20. Pe 'peuz lakaet lezenn an diaoul e-lec'h gwir lezenn Doue,
Pe 'peuz lazhet ar veleien, an dudjentil, ar Roue.

21. Pe 'peuz lazhet ar Rouanez, pe 'peuz stlapet d'an douar,
He fenn gant penn flour Elesbet, an itron zantel, he c'hoar.

22. Pe 'peuz taolet er c'hav hudur mab ar Roue, hen bugel,
Hag eń dalc'het e-barzh ar fank da vreinań ha da vervel.

23. Kuzh da benn, heol benniget, en ur weled torfedoł
Pe-re na dlefe bezań graet nemed gant drouk-speredoł.

24. Kenavo, Jezuz ha Mari, dispennet Ho taolennoł,
Ha lakaet d'ober paveioł, gant ar re c'hlaz, er c'herioł.

25. Kenavo, fons ar vadiant, e-lec'h e gavjomp gwechall
Nerzh evit gouzańv ar marv kent evit yev an dud fall.

26. Kenavo, kleier benniget, a gane war hor pennoł,
N'ho klevimp mui en hor gervel, sul na gouel, d'an ilizoł.

27. N'ho klevimp mui o kanań ge, siwazh divadez ho penn!
Teuzet, siwazh, gant ar geriz evit ober gwenneien!

28. Kenavo, Bretoned yaouank, e c'halver d'an armeoł,
E-lec'h ma goller en un taol ar feiz hag ar vuhezioł.

29. - Kenavo, va mab, kenavo d'an draoniennoł Jozafat!
Pa vi maez deus-a Vreizh Izel piv a zifenno da dad?

30. Pa lammo re ker gant va zi, me vo klevet o laret:
"Ma vije bet va mab er ger, en-defe va diwallet!"

31. - Deuz tre divrec'h da vamm gozh deus da zouget, va bugel,
Deuz war galon deus da vaget, va mabig paour, kent mervel!

32. Pa zistroy endro d'ar ger, vin aet kuit deus ar béd-man;
Deus amań, deus m'az priatin, evit ar wech diwezań.

33. Tavit, va mamm, tavit va zad, n'in ket ho tilezel;
Chom a rin evit ho tifenn, evit difenn Breizh-Izel.

34. Reuzeudik braz eo bout gwanet; bout gwanet n'eo ket mezhuz.
Nemet plegań d'ar skraberien, evel tud lent ha kabluz!

35. Mar d-eo red monet d'an emgann, emgann a rin vit ar vro;
Mar d'eo red mervel, e varvin, kuit ha laouen war un dro.

36. M’eus ket aon raok ar boledoł Na lazhint ket va ene!
Pa gouezho va c’horf d’an douar, Va ene zavo d’an neńv!

37. Araok, paotred vad Breizh-Izel! entanań ra va c'halon:
Kreskiń a ra nerzh va divrec'h; Bevet ar relijion!

38. Bevet an nep a gar e vro! Bevet mabig ar Roue!
Ha ra yelo ar baotred c'hlaz da c'houzout hag a zo Doue.

39. Buhez evid buhez! tud vat; lazhań pe bout lazhet!
Red e oa da Zoue mervel evit gounit war ar bed.

40. Deus er penn ganeomp, Tinteniak, gwir Vreton a holl-viskoazh.
Te pehini raok beg ar c'hanol, morse da benn na droaz.

41. Deut er penn ganeomp, tudjentil, gwad real demeus ar vro;
Ha Doue a vezo meulet gant kement kristen ma zo.

42. Hag en diwezh e teuy endro e Breizh al lezenn gwirion,
Koulz ha Doue war E aoter, hag ar Roue war e Dron;

43. Hag a-neuze traonioł Kerne a teuio glaz adarre,
Hag ar galon a zigoro gant bleuńv an ed hag ar gwez.

43. Neuze, Kroaz Jezuz, or Salver, a zavo splann war ar bed;
E-c'harz e zreid lilioł kaer, druz gant gwad ar Vretoned!


Galleg Saozneg