MANUSCRIT DE PENGUERN
Sorcerez - Version 2
Sellaouit hag e kleffot, hag he kleffot kana
eur wers a zo kompozet a neve vid ar bla.
zo gred da Katellik ar Gall peni deus gred
peni deus gred sorcerez evid laza an ed.
- Katellik ar Gall deom leveret
Peni eo al louzou evid laza an ed?
- Kenta ma haprouvis, haprouvis va louzou
Da c'houd ag en a voa mad, c'houd ag en a voa mad.
e voa en eur warimad eur warimad segal
hag en devoa va zad hag en devoa va zad
a voa adet heni trivarc'h boëzellad ad
ne neus ked bed anezi daouzek skudellad vad.
- Ar ça ta Kattelik dem-ni a leveret
dem-ni a leveret gant piou o c'heus disket?
ar secrejou a c'houzorc'h evid laza an ed?
- na gand eur c'hloarek iaouank a voa e ti va zad
am c'hasse bem-nos bem-nos na gantan d'ar Sabad.
Ar ca ta Katellik dem-ni a leveret
Pere e ta al louzou evid laza an ed?
- gant lagad kleï eul malfran a kalon an toussek
ar voëden radenen noz goel ian dastumet
Bed dindan an oter c'houel epad an offern bred
ar re ze eo va louzou evid laza an ed.
Me meus eur c'houffrik peun( 1) e bars e ti va zad
Ag 'n ini en tigoro en deve'o kallonad.
Zo henan teïr aer viber e gori eur serpent
kapab da leski ar bed man perpetuellamant.
na mar deu dezo gouri ag ober blavez mad
he renko va zeïr aer beza konduet mad
nan deo ket gant kig klujar na gant kig kevellek
gant ar bugale vunut a ben ma veint badeet
- Ar ça ta Katellik ar Gall, c'houi o c'heus meritet
Ar maro sertenamant pa distrujit an ed. -
eun ivis rousinet a voa dei' gouisket
eun torch koar ellumet
vid e lakad dar maro p' e dewa meritet.
Ma rache reflexion var ne'i an oll plac'het
Da ziwel sertenamant doc'h vissou fal ar bed.
Jannton Puil, 16 juin 1851.
(1) Ms : peun : faut-il lire : prenn ?
|
TRANSCRIPTION KLT
Sorserez -Version 2
Selaouit hag e klevoc'h kanañ
Ur werz a zo kompozet a-nevez vit ar bloaz.
Zo graet da Gatellik ar Gall pehini 'deus graet
Sorserezh evit lazhañ an êd.
- Katellik ar Gall deomp lavarit
Pehini eo al louzoù evit lazhañ an êd?
- Kentañ ma aprouviz va louzoù,
Da c'hoût hag hen a oa mad,
E oa en ur waremmat segal
Hag e-nevoa va zat.
A oa hadet hini triwec'h boezellad had:
N'e-neus ket bet anezhi daouzek skudellad vat.
- Arsa-ta, Katellig, deomp-ni lavarit,
Gant piv ho-peus disket
Ar sekrechoù a c'houzoc'h evit lazhañ an êd?
- Na, gant ur c'hloarek yaouank a oa e ti va zad,
Am c'hase bemnoz -bemnoz da gantañ d'ar Sabad.
- Arsa-ta, Katellig, deomp-ni a lavarit,
Pere eo ta al louzoù evit lazhañ an êd?
-Gant lagad kleiz ur mal-vran ha kalon un touseg,
Ar vouedenn raden en noz Gouel Yann dastumet
Bet dindan an aoter uhel epad an oferenn bred
Ar re-se eo va louzoù evit lazhañ en êd.
Me 'meus ur c'houfrig prenn e-barzh ti va zad
Hag an hini hen tigoro e-nevo kalonad.
A zo ennañ teir naer-wiber o c'horiñ ur serpant
Kapab da leskiñ ar bed-mañ perpetuelllamant.
Na mar deu dezo goriñ hag ober bloavez mad,
E renko va zeir naer bezañ konduet mad,
Ned'eo ket gant kig glujar, na gant kig keveleg,
Gand ar vugale vunut, a-benn ma vezint badezet.
Arsa-ta Katellig ar Gall, c'hwi ho-peus meritet
Ar marv sertenamant pa distrujit an êd.
Un hiviz rousinet a oa dezhi gwisket
Un torch koar elumet
Evit he lakaad d'ar marv pa he-devoa meritet.
Ma raje refleksion warnezhi an oll plac'hed
Da ziwall sertenamant d'oc'h visoù-fall ar bed.
|
TRADUCTION
La sorcière - Version 2
Ecoutez! Vous allez entendre chanter
Une complainte, nouvellement composeée, cette année.
Elle fut faite sur Catherine Le Gall, laquelle s'est faite
Sorcière pour tuer le blé.
- Catherine Le Gall, dites-nous,
Quel est le philtre qui sert à tuer le blé?
- Le première fois que j 'éprouvai mon philtre
Pour savoir s'il était efficace,
Ce fut dans une lande semée de seigle
Qui appartenait à mon père.
Il y avait semé dix-huit boisseaux de semence,
Il n'en a tiré que douze bonnes écuellées.
- Eh bien, Catherine, dites-nous
De qui tenez-vous donc
Les secrets que vous connaissez pour tuer le blé?
- D'un jeune clerc qui vivait chez mon père.
Il m'mmenait toutes les nuits avec lui au sabat.
- Eh bien, Catherine, dites-nous,
Quel est donc ce philtre qui tue le blé?
- L'oeil gauche d'un corbeau mâle et le coeur d'un crapaud,
La pulpe de fougére ramassée la nuit de la Saint Jean
En dessous du maître-autel, pendant la grand-messe:
Ce sont les ingrédients de mon philtre pour tuer le blé.
J'ai un petit coffre de bois dans la maison de mon père
Et celui qui l'ouvrira en éprouvera du regret.
Il y a dedans trois vipères qui couvent un serpent
Capables de consumer ce monde à tout jamais.
Si elles parviennent à les couver pendant une bonne année,
Mes trois vipères devront être traitées avec précaution:
Ce n'est pas de la chair de perdrix ni de bécasse
Qu'il leur faut, mais celle de petits enfants, à peine baptisés.
- Eh bien, Catherine Le Gall, vous avez mérité
La mort, certainement, si vous voulez détruire le monde. -
Une chemise enduite de résine on lui passa,
Une torche de cire fut alllumée
Pour la livrer à la mort qu'elle avait méritée.
- Pensez à elle, vous toutes, jeunes filles,
Prenez garde aux vices du monde. -
Jeanneton Puil, 16 juin 1861.
|
